PRIBATUTASUN OHARRA

HegaldiMerkeak.com web zerbitzuak

1. Informazio orokorra

Pribatutasun Ohar honen helburua zure datu pertsonalak nola erabiltzen ditugun azaltzea da; zein datu jasotzen ditugun, zein modutan erabiltzen ditugun eta nori erakusten dizkiogun. Honez gain, zure datu pertsonalen erabilera nola kontrola dezakezun azaltzen dizugu.

Web zerbitzu independientea eskaintzen dugu, hainbat gauza aurkitu eta konparatzen laguntzen dizun bilaketa motorea: hegaldiak, hotelak eta bestelako bidai zerbitzuak eta haiekin loturiko web zerbitzuak. Honako Pribatutasun Oharra gure web-orrien erabiltzaileei dago zuzenduta (aurrerantzean, “zu”).

Datu pertsonalak pertsona bat norbanako zehatz bezala zuzenean edo zeharka identifikatzea ahalbidetzen duten informazioak dira. Datu pertsonalen artean erabiltzailearen Interneteko Protokolo (IP) helbidea dago.

2. Kontrolatzailea eta harremanetarako informazioa

Stephen Marner
Enpresa: Vuelos Baratos Ltd.
ID profesionala: NI049515
Helbidea:
5-6 Magazine Street,
Derry
BT48 6HJ
Ipar Irlanda
Erresuma Batua
Helbide elektronikoa: privacidad@vuelosbaratos.es

3. Zure datu pertsonalen erabilera

Pribatutasun Ohar honetan zehazten diren helburuetarako beharrezkoak eta garrantzizkoak diren datu pertsonalak jaso eta erabiltzen ditugu bakar-bakarrik. Gure web-orrian datuak sartu edo web-orria erabiltzen duzunean zure datu pertsonalak ematen ari zatzaizkigu. Bestalde, hirugarren bitartekariengandik ere jasotzen ditugu zure datuak…

Datu pertsonalak erabiltzeko lege oinarria, alde batetik, hurrengo helburuak betetzeko dugun interes zintzoan datza:

• erabiltzaileei web-orri oso erabilgarria eskaintzea dohan,
• gure zerbitzu/web-orriaren erabilgarritasuna hobetzea eta
• gure zerbitzu/web-orria erabiltzerako orduan erabiltzailearen esperientzia hobetzea

eta bestetik, email bidez gure zerbitzuekin zerikusia duten berriak eta eduki interesgarria bidaltzeko eman diguzun baimena (marketing elektroniko zuzena). Nahi duzunean egin dezakezu atzera eta baimena kendu harpidetza bertan behera utziz, aldizkarian agertzen zaizkizun azalpenei jarraituz. Bestalde, gure web-orrian eskuragarri duzun harpidetza kentzeko funtzioa erabili dezakezu.

Legeak ezarritako betebeharrei jarraiki ere erabili ditzakegu datu pertsonalak, informazio segurtasuna edota iruzurraren kontrako borroka dela eta esate baterako.

Jasotzen ditugun datu pertsonalak Pribatutasun Ohar honetan aitortzen diren helburuak asetzeko beharrezko denboraz soilik gordetzen ditugu, ez bazaigu legez denbora luzeago bat eskatzen, edota ez baditugu denbora luzeagoz gorde behar gure eskubide legalak babesteko. Ondoren, datu pertsonalak ezabatuak izango dira edo anonimo bihurtuko ditugu zentzuzko epe batean.

Zerbitzuaren erabilera eta erabiltzaileen jarreren jarraipena egiten dugu gure web-orrietan zerbitzua garatzeko eta zerbitzu eta esperientzia hobeak eskeini ahal izateko zuri. Marketing eta barne-garapenerako ere erabiltzen ditugu datuak. Ikus gure Cookie Politika: https://www.hegaldimerkeak.com/cookiepolicy.aspx

4. Datu pertsonalen hartzaileak

Zure datu pertsonalak gure marka, web-orri, aplikazio edo Vuelos Baratos Ltd.-ekin loturiko enpresa guztientzako egongo dira eskuragarri.

Bazkide eta zerbitzu banatzaileekin ere partekatzen ditugu datu pertsonalak.

Zure datu pertsonalak hurrengo hartzaileen esku jartzen ditugu:

Ospe oneko bitartekariekin bakarrik egiten dugu bat beren eskaintzak aurkezteko, baina web-orri hauen pribatutasun politikak aztertzera animatzen zaitugu hobeto uler dezazun nola jaso eta erabiltzen duten zure informazioa, beste web-orri baten estekan klik egiten duzunean.

Datu pertsonalak Europar Batasunetik edo Europar Ekonomia Eremutik kanpo igortzen ditugunean, legeak ezarritako babes neurri aproposekin egiten dugu (igorpen babesleak). Hurrengo hartzaileek EB/EEE-tik kanpo erabil ditzakete datuak:

Gainerako igorpenak

Horrez gain, zure informazioa partekatu ahal izango dugu gure konpainiaren edozein bateratze edo salmenta dela eta, edota gure negozioaren zati bat edo negozio guztiaren finantzaketa edo erosketa dela eta, edota antzeko edozein operazio dela eta.

Indarrean dagoen edozein lege edo arauk hala eskatuz gero, edo tokian tokiko agintaritzak hala eskatuta, edo produktu eta zerbitzuen balizko legez kanpoko erabilera ikertzeko, edo produktu eta zerbitzuen segurtasuna bermatzeko, datu pertsonalak erakutsi ahal izango ditugu.

5. Datu pertsonalen babesa

Gure konpromezua adierazten dugu datuen babesari buruzko legedia eta arauak betetzeko, eta datu pertsonalak behar bezalako zintzotasunez erabiltzeko.

Datu pertsonalak neurri tekniko eta antolakuntza aproposen babespean daude. Informazioa IT ingurune seguruetan gordetzen dugu, segurtasun neurri aproposak dauzkatenak. Datu pertsonalak eskuartean ibiltzen dituzten langileak informazio hori sekretupean gordetzera daude derrigortuta. Beren lana aurrera eramateko beharrezkoa duten langileak soilik sar daitezke datu horiek ikustera. Langile eta prozesatzaile guztiek beren ID eta pasahitzak dauzkate.

Agintaritzak eta erabiltzaileak datu pertsonalen zaintzari buruzko edozein legehausteren jakinaren gainean izaten ditugu, informazioaren segurtasun eta datuen babesari buruzko legedi(ar)en arabera.

6. Zure eskubideak eta agintaritza begiralea

Indarrean dagoen datuen babeserako legediak zehazten ditu zure eskubideak:

• Zure datu pertsonalak erabiltzen ditugun ala ez jakiteko eskubidea duzu.
• Zure datu pertsonalak ikuskatu eta baieztatzeko eskubidea duzu, eta datu horiek idatziz edo elektronikoki helarazi diezaizkizugun eskatzeko eskubidea.
• Zuzena edo osoa ez den informazioa zuzentzeko edo betetzeko eskatzeko eskubidea duzu. Datuak ezabatu ditzagun eskatzeko eskubidea ere badaukazu.
• Eman dituzun datuak beste kontrolatzaile bati igortzeko eskubidea duzu (zure baimen edo kontratuan oinarriturik).
• Zure datu pertsonalen erabilera mugatu dezagun eskatzeko eskubidea duzu, datuen babeserako legedian zehaztutakoaren arabera.
• Helburu zehatz batzuetarako zure datu pertsonalak erabili ez daitezen eskatzeko eskubidea duzu; adibidez, debekatu dezakezu zure datu pertsonalak marketing zuzena egiteko erabiltzea edo igortzea.
• Zure datu pertsonalen erabilera zuk emandako baimen batean oinarritzen bada, baimen hori edozein momentutan ukatzeko eskubidea duzu (baimena erretiratzeak ez dakar baimena indarrean zegoen bitartean egindako erabilera legez kanpo gelditzea).

Esandako eskubideak indarrean jar ditzakezu Pribatutasun Ohar honen hasieran azaltzen zaizun harremanetarako informaziora eskakizun bat bidaliz. Behin jasota beharrezko informazio guztia (zure nortasunaren baieztapena barne), zure eskakizunari bide emango diogu. Ahal dugun guztia egingo dugu zure eskakizuna hilabete bateko epean aztertzeko.

Errepikakorregiak, gehiegizkoak edo argi eta garbi abusuzkoak diren eskakizunak atzera bota ahal izango ditugu.

Zure datu pertsonalekin egiten ari garena EB 2016/679 arauarekin (Datuen Babeserako Arau Orokorrarekin, GDPR ingelesez) bat ez datorrela baderitzozu, tokian tokiko agintaritza begiraleari salaketa bat zuzentzeko eskubidea duzu.

7. Pribatutasun Ohar honen aldaketak

Pribatutasun Ohar hau noizean behin alda daiteke, beharrezkoa izatekotan. Edozein aldaketaren berri gure web-orrian emango dugu, Pribatutasun Ohar hau argitaratuta dagoen toki berean.

Pribatutasun Ohar hau 2018ko maiatzaren 23an izan da argitaratua, 2.0 bertsioa.

Aldaketen zerrenda historikoa